วิเคราะห์แผนป้องกันภัยทางอากาศในลาตินอเมริกา: กรณีศึกษาในเวเนซุเอลา

လွန်ခဲ့သည့် ငါးရက်က Operation Absolute Resolve အမည်ဖြင့် အမေရိကန် စစ်တပ်မှ

ဗင်နီဇွဲလား သမ္မတ Maduro ကို ဝင်ဖမ်းချိန်၌ တောင်အမေရိကတိုက်တစ်ခုလုံးအတွင်း လေကြောင်းရန်ကာကွယ်ရေးအင်အား အတောင့်တင်းဆုံးဟူ ဆိုထားသော ဗင်နီဇွဲလားလေတပ်ကို နာရီပိုင်းအတွင်းမှာပင် အမေရိကန်စစ်တပ်မှ ဖင်ထိုင်ကျသွားအောင် လုပ်နိုင်ခဲ့ပါတယ်။

အထူးသဖြင့် မြို့တော် Caracas အနီးရှိ လေကာစနစ်များကို ဖျက်ချကာ အမေရိကန်ကြည်းတပ်၏ ရဟတ်ယာဉ်အုပ်ဟာ အေးဆေးစွာဖြင့် အနိမ့်ပျံ မောင်းနှင်လာတာဟာ အမေရိကန်စစ်တပ်၏ ဗျူဟာကြောင့်ဟူ၍ ပြောရမှာဖြစ်သလို လက်နက်စနစ်ကိုလည်း ချီးမွမ်းရမှာပါ။

ပထမဆုံးစမှားသည်မှာ တရုတ်ထုတ် JY-27A ရေဒါဖြစ်ပါတယ်။ ထိုရေဒါဟာ အကွာအဝေး (၅၀၀)km အတွင်းရှိ ရန်သူ့ လေယာဉ် ရဟတ်ယာဉ်မှန်သမျှကိုထောက်လှမ်းနိုင်သည်ဟုဆိုပြီး F-22 လို RCS အလွန်နည်းသည့် ပဉ္စမမျိုးဆက် ကိုယ်ပျောက်တိုက်လေယာဉ်ကိုပင် ထောက်လှမ်းနိုင်ကြောင်း ဆိုပါတယ်။

ဗင်နီဇွဲလားအနီး F-35 များတပ်ဖြန့်စဉ် မာဒူရိုမှ မကြောက်ဘူးနှင့် F-35 တွေရဲ့လှုပ်ရှားမှုမှန်သမျှကို ထောက်လှမ်းနိုင်ကြောင်း စစ်ဦးစီးချုပ် Vladimir Padrino López ထုတ်ပြောခဲ့ပါတယ်။ ဒါဟာ အမှန်ဖြစ်ဖို့ ၅၀% ပင်မသေချာဘဲဖြစ်နေပါတယ်။ အကယ်၍ မှားခဲ့လျှင် မိမိနိုင်ငံ၏ သိက္ခာကိုကာကွယ်လိုသဖြင့် ယခုလိုထုတ်ပြောခဲ့တာဖြစ်နိုင်ပါတယ်။

အမှန်တကယ် ထောက်လှမ်းနိုင်ပါကလည်း ဗင်နီဇွဲလားလေကြောင်းရန်ဟာ အင်အားတောင့်တင်းနေစေကာမူ တာဝေး လေကာဟူ၍ ရုရှားမှ ရောင်းပေးထားသော S-300VM တပ်ရင်းဟာအနည်းငယ်သာရှိသလို ကျန်တာဟာ တာလတ်ဖြစ်သည့် Buk နှင့် တာတို Pechora တွေဖြစ်နေပါတယ်။

ထိုလေကာတပ်ဖွဲ့ကို ဖောက်နိုင်ဖို့အတွက် US ရေတပ်မှ ပထမဆုံးပြုလုပ်ခဲ့သည်မှာ Electronic Warfare စစ်ဆင်ရေးဖြစ်ပြီး လေယာဉ်တင်သင်္ဘောကြီး Gerald R. Ford ပေါ်မှ တက်လာသည့် EA-18G Glower တိုက်လေယာဉ်တွေဟာ ထို EW စစ်ဆင်ရေးကို ကောင်းကောင်းကြီးလုပ်သွားနိုင်ခဲ့ပါတယ်။

EA-18G Glower များဟာ ထို လျှပ်စစ်ဖိဖျက် စစ်ဆင်ရေးအတွက် သီးသန့်ထုတ်လုပ်ထားသော တိုက်လေယာဉ်အမျိုးအစားဖြစ်ပါတယ်။ ၎င်း၏ တည်ဆောက်ပုံဟာ ရေတပ်၏ ပင်မကျောရိုးတိုက်လေယာဉ် F/A-18 နှင့် အတူတူပင်ဖြစ်သော်လည်း တောင်ပံ၌ Missile များအစား Pod များကိုပြောင်းလဲတပ်ဆင်ထားပါတယ်။

F/A-18 များ၏ AIM-9 တာတိုဝေဟင်မှ ဝေဟင်ပစ်ဒုံးတပ်သော အစွန်ဖျား Hardpoint နေရာနှစ်ခု၌ AN/ALQ-218 pod နှစ်ခုကို ပြောင်းလဲတပ်ဆင်ထားပါတယ်။ ထို Pod များဟာ Radar Warning Receiver များဖြစ်ပြီး ရန်သူ့ရေဒါစနစ်၏ ရေဒီယိုလှိုင်းထုတ်လွှင့်မှုကို အာရုံခံကာ ရန်သူ့ ရေဒါစနစ်၏ အမျိုးအစား၊

၎င်းရေဒါထုတ်လွှတ်နေသော ကြိမ်နှုန်း၊

မည်သည့် Mode ၌ ထုတ်လွှတ်ခြင်း နှင့်

၎င်းရေဒါ၏ တည်နေရာ စသည်တို့ကို ရှာဖွေဖော်ပြပါတယ်။

ထိုသို့ ရန်သူ့ရေဒါ၏ တည်နေရာကိုသိရှိပြီးနောက် ချဉ်းကပ်မှုပြုလုပ်ပြီးသည့်အခါ တောင်ပံအောက်၌ ချိတ်‌ဆွဲထားသော AN/ALQ-99 Jamming pod ကို သုံး၍ ထိုရေဒါကို Jamming စလုပ်ပါတယ်။ ထို AN/ALQ-99 pod ဟာ ရန်သူ့ရေဒီယိုလိုင်းကိုကြားဖြတ်ဖမ်းယူခြင်း၊ ကြိမ်နှုန်းမြင့် (သို့) နိမ့် ဟူ၍ အမျိုးအစား ခွဲခြင်းနှင့် Jamming လုပ်ခြင်း စသည်တို့ကိုပြုလုပ်ပေးပါတယ်။

Jamming လုပ်ရာ၌ အလွန်ပြင်းအားမြင့်သော လိုင်းကို ရန်သူ့ရေဒါထံစီးဝင်အောင်ပြုလုပ်ပြီး ထိုလိုင်းပြင်းအားများကြောင့် ရေဒါများဟာ ကောင်းမွန်စွာအလုပ်မလုပ်နိုင်တော့ဘဲ ပစ်မှတ်ကိုထောက်လှမ်းမှုလည်းမပြုနိုင်တော့ပေ။ ထိုနည်းဖြင့် တရုတ်ထုတ် JY-27A တာဝေး ဝေဟင်ပစ်မှတ်ရှာရေဒါကြီးကို အမှောက်သိပ်ခဲ့တာဖြစ်ပါတယ်။

တကယ်က ထိုသို့ တာဝေးရေဒါ၌ Anti-Jamming စနစ်တပ်ဆင်ထားရမှာဖြစ်သော်လည်း အမေရိကန်ရေတပ်သုံး EA-18G ၏ ထိုးဖောက်မှုဒဏ်ကို ခံနိုင်ပုံမရပေ။ ထိုကြောင့် အသက်မဲ့သွားတာဖြစ်ပါတယ်။

ထိုသို့ အသက်မဲ့သွားသည့်အခါ ၎င်းကိုချိတ်ဆက်၍ အချက်အလက်ရယူနေသော S-300VM ၊ Buk နှင့် Pechora လေကာတပ်ရင်းများအဖို့ ဘာမှ ဆက်လုပ်၍မရတော့ဘဲ ဝင်လာသမျှကို ဒီအတိုင်းထိုင်ကြည့်ရုံသာ တတ်နိုင်ပါတော့တယ်။

EA-18G Glower ဟာ ထို Jamming လုပ်ခြင်းဖြင့်ပင် မရပ်တန့်ခဲ့ဘဲ AGM-88 Harm အမျိုးအစား ရေဒါဖျက်ဒုံးများဖြင့်ပါ ပစ်ခတ်ခဲ့တာကြောင့် ‌ဗင်နီဇွဲလားလေကြောင်းရန်ကာကွယ်ရေးတပ်ဖွဲ့သုံး ရေဒါစနစ်အချို့ပျက်စီးခဲ့ရပါတယ်။

ထိုသို့ AGM-88 ဝေဟင်မှ မြေပြင်ပစ် ရေဒါဖျက် အသုံးပြုခဲ့ကြောင်း ပစ်မှတ်ကိုမထိမှတ်ဘဲ မြို့တော် Caracas ၏ ‌မြောက်ဘက် (၃၀)km အကွာ Catia La Mar မြို့ရှိ

လူနေအိမ် သုံးထပ်တိုက်တစ်လုံးကိုထိမှန်ခဲ့သဖြင့် အသက် (၇၉)နှစ်အရွယ် Rosa Gonzalez ဆိုသူ သက်ကြီးပိုင်းအမျိုးသမီးတစ်ဦး ကွယ်လွန်ခဲ့သည်ကို ကြည့်ခြင်းဖြင့် သိနိုင်ပါတယ်။

US လေတပ်၏ လေကြောင်းတိုက်ခိုက်မှုကြောင့် ကွယ်လွန်သူ (၇၇)‌ဦးကျော်ရှိသည့်အနက် ဗင်နီဇွဲလားစစ်တပ်မှ (၄၃)ဦး၊ အရပ်သား (၂)ဦးနှင့် ကျူဘားနိုင်ငံသား (၃၂)ဦးလည်းပါဝင်ခဲ့ပါတယ်။ ကဲဒါကထားပါ။

ထိုသို့ Jamming လုပ်လိုက်၊ AGM-88 ဒုံးပစ်လိုက်ဖြင့် ဝင်လာသည့် EA-18G Glower တိုက်လေယာဉ်များ အနောက်တွင် အခြားသော တိုက်လေယာဉ်များပါ ပါဝင်ခဲ့ပါတယ်။

ထိုသို့ တိုက်လေယာဉ်များဖြင့် ဗင်နီဇွဲလား လေတပ်စခန်းများကို စိတ်ကြိုက်မွေနောက်နေချိန် အမေရိကန်ရေတပ်နှင့် ကြည်းတပ်၏ ရဟတ်ယာဉ်များစွာဟာ အနိမ့်ပျံပြီး ပေါ်တင်ကြီးဝင်လာခဲ့ပါတယ်။

ဗင်နီဇွဲလား ဘက်မှ ထွက်လာသည့်သတင်းအချို့အရ US စစ်တပ်ဟာ ရေဒါကို Jam လုပ်ပြီးနောက် အသေခံဒရုန်းများအသုံးပြုကာ တိုက်ခိုက်ခဲ့ကြောင်းဆိုကြတာကြောင့် အီရန်ထုတ် နာမည်ကျော် Shahed-136 ကို ကူးချထားသော Lucas ဒရုန်းများကို အသုံးပြုခဲ့သလားဆိုတာ စဉ်းစားစရာဖြစ်လာခဲ့ကာ အကယ်၍ သုံးခဲ့သည်မှာ မှန်ကန်ခဲ့ပါက Lucas ဒရုန်းများ၏ ပထမဆုံး Combat proven မှတ်တမ်းကို Operation Absolute Resolve ၌ ရရှိသွားခဲ့မှာဖြစ်ကြောင်းတင်ပြလိုက်ရပါတယ်#usa