ရာမ ၂ လမ်းက ကရိန်း ပြိုကျတဲ့ နေရာမှာ မီးလောင်
ရာမ ၂ လမ်းက ကရိန်း ပြိုကျတဲ့ နေရာမှာ မီးလောင်
မကြာခင်က ကရိန်းလဲကျမှု ဖြစ်ပွားခဲ့ဖူးတဲ့ Samut Sakhon က ရာမ ၂ လမ်းက ဆောက်လုပ်ရေးလုပ်ငန်းခွင်တစ်ခုမှာ ၂၀၂၆ ခုနှစ် ဇန်နဝါရီလ ၂၀ ရက်နေ့ မနက်ပိုင်းက မီးထပ်မံလောင်ကျွမ်းခဲ့တာကြောင့် အလုပ်သမားတွေနဲ့ အနီးနားနေထိုင်သူတွေ ထိတ်လန့်ခဲ့ကြပါတယ်။
အဲဒီနေရာဝန်းကျင်ရှိ နီးကပ်နေတဲ့ နေရာနှစ်ခုကနေ မီးစတင်လောင်ကျွမ်းခဲ့ပြီး မဲနက်နေတ ဲ့ မီးခိုးလုံးကြီးတွေ ကောင်းကင်ပေါ် တက်လာတာကို တွေ့ရတယ်လို့ အခင်းဖြစ်ပွားရာနေရာကို ရောက်နေတဲ့ သတင်းထောက်တွေက ပြောပါတယ်။ မီးသတ်တပ်ဖွဲ့ဝင်တွေနဲ့ ကယ်ဆယ်ရေးအဖွဲ့တွေက မီးငြှိမ်းသတ်ဖို့ အလျင်အမြန် ရောက်ရှိလာခဲ့ကြပြီး ဘေးကင်းလုံခြုံရေးအတွက် အဲဒီနေရာကို တားမြစ်နယ်မြေအဖြစ် သတ်မှတ်ကာ လူတွေကို ဝင်ခွင့်ပိတ်ထားလိုက်ပါတယ်။
ကနဦးစစ်ဆေးချက်တွေအရ အပေါ်က ပစ္စည်းတွေ ပြုတ်ကျပြီး အောက်က ဟိုက်ဒရောလစ်စနစ်ကို ရိုက်ခတ်မိရာကနေ ဟိုက်ဒရောလစ်ဆီတွေ ယိုစိမ့်ထွက်လာတာကြောင့် မီးလောင်မှုစတင်ဖြစ်ပွားခဲ့ပုံရတယ်လို့ ဆိုပါတယ်။ အဲဒီဆီတွေဟာ ပတ်ဝန်းကျင်က သံမဏိသံပေါင်တွေ၊ သတ္တုကိရိယာတွေက အပူနဲ့ ထိတွေ့မိရာကနေ မီးပွားတွေ၊ မီးခိုးတွေနဲ့ မီးတောက်တွေ ထွက်ပေါ်လာပြီး မီးကူးစက်လောင်ကျွမ်းခဲ့တာလို့ တာဝန်ရှိသူတွေက ယူဆထားပါတယ်။
ထိခိုက်ဒဏ်ရာရသူနဲ့ သေဆု ံးသူ မရှိဘူးလို့ သိရပါတယ်။
နောက်ထပ် မတော်တဆမှုတွေ မဖြစ်ပွားအောင် ကာကွယ်ဖို့အတွက် အဆောက်အအုံပိုင်းဆိုင်ရာ ကြံ့ခိုင်မှု အခြေအနေကို စစ်ဆေးတာတွေနဲ့ မီးလောင်ရတဲ့ အကြောင်းရင်း အတိအကျကို သိရဖို့ စုံစမ်းစစ်ဆေးမှုတွေ လုပ်ဆောင်နေတယ်လို့ အာဏာပိုင်တွေက ပြောပါတယ်။
Ref : Khaosod #rama2
#zyrp #bangkok
#ရာမ၂လမ်း #မီးလောင်
sad
#peace #love #staysafe #travel #view #visit #help #life #support #tourist #news /กรุงเทพมหานคร