จับกุมแก๊งค้ามนุษย์เด็กในอินโดนีเซีย ส่งขายเด็กไปสิงคโปร์ มูลค่ากว่าแสนล้านรูเปียห์

ကလေးသူငယ်ရောင်းစားမှု

အား အင်ဒိုပိုက်ဆံသိန်းချီပြီးရောင်းချသည့်ဂိုဏ်းကြီးအဖမ်းခံရ

ဒီသတင်းက တော်တော်လေး စိတ်မကောင်းစရာရော၊ ထိတ်လန့်စရာရော ကောင်းတဲ့ သတင်းတစ်ခုပါ။ အင်ဒိုနီးရှားက ကလေးငယ်တွေကို စင်ကာပူကို ခိုးထုတ်ရောင်းစားနေတဲ့ ဂိုဏ်းအကြောင်းကို CNA သတင်းမှာ ဖော်ပြထားတာကို အကျဉ်းခြုံးမျှဝေလိုက်ပါတယ်

အင်ဒိုနီးရှားနိုင်ငံ၊ အနောက်ဂျာဗားပြည်နယ်၊ ဘန်ဒေါင်းမြို့မှာ အတော်လေးကို ဟိုးလေးတကျော် ဖြစ်သွားတဲ့ အမှုတစ်ခု စစ်ဆေးနေပါပြီ။ အဲဒါကတော့ အနည်းဆုံး ကလေးငယ် ၁၀ ယောက်ကို စင်ကာပူကို ပို့ပြီး ရောင်းစားခဲ့တယ်လို့ စွပ်စွဲခံထားရတဲ့ လူ ၁၉ ယောက်ရဲ့ အမှုပါ

ဖြစ်စဉ်အကျဉ်း

ဒီဂိုဏ်းဟာ ကလေးတစ်ယောက်ကို စင်ကာပူဒေါ်လာ ၁၈,၀၀၀ (အမေရိကန်ဒေါ်လာ ၁၄,၀၀၀ ခန့်) နဲ့ ရောင်းစားခဲ့တာ ဖြစ်ပြီး၊ စုစုပေါင်း ကလေး ၃၄ ယောက်လောက်ကို မှောင်ခိုကူးခဲ့တယ်လို့ အစိုးရရှေ့နေတွေက ဧပြီလ ၇ ရက်နေ့ (အင်္ဂါနေ့) တရားရုံးမှာ ပြောကြားခဲ့ပါတယ်

ဒီအမှုမှာ တရားခံ ၁၉ ယောက်ရှိပြီး အမျိုးသမီး ၁၈ ယောက်နဲ့ အမျိုးသား တစ်ယောက် ပါဝင်ပါတယ်။ သူတို့အားလုံးဟာ ပြစ်မှုထင်ရှားရင် ထောင်ဒဏ် ၁၅ နှစ်အထိ ကျခံရနိုင်ပါတယ်

ဘယ်လိုတွေ လုပ်ကြတာလဲ?

ဇာတ်လမ်းက ၂၀၂၃ ခုနှစ်လောက်က စတာပါ။ လီလီ (Lily) လို့ခေါ်တဲ့ တရားခံတစ်ယောက်က စင်ကာပူက Petter ဆိုသူနဲ့ အဆက်အသွယ်ရခဲ့တယ်။ Petter က လီလီ့ကို ကလေးတွေ ရှာပေးဖို့ ခိုင်းခဲ့တာပါ

သူတို့ လုပ်ပုံလုပ်နည်းက တော်တော်လေးကို ပါးနပ်ပါတယ်

မိဘအတုတွေ ဖန်တီးတယ် - စင်ကာပူရဲ့ မွေးစားခြင်းဆိုင်ရာ ဥပဒေ (ACA-2022) အရ လိုအပ်တဲ့ စာရွက်စာတမ်းတွေမှာ လက်မှတ်ထိုးဖို့ မိဘအတုတွေကို ငှားရမ်းခဲ့တယ်

စာရွက်စာတမ်းအတု - မွေးစာရင်း၊ မှတ်ပုံတင်၊ နိုင်ငံကူးလက်မှတ် (Passport) အစရှိတာတွေကို အချက်အလက်အတုတွေနဲ့ ပြုလုပ်ခဲ့ကြတယ်

ဆိုရှယ်မီဒီယာကနေ ရှာဖွေ - Facebook လိုမျိုး အွန်လိုင်း မွေးစားခြင်းဆိုင်ရာ Group တွေထဲမှာ ကလေးကို ဆက်မွေးဖို့ အခက်အခဲရှိနေတဲ့ မိဘတွေကို လိုက်ရှာတယ်။ ပြီးရင် ငွေ ၉ သန်းကနေ ၁၅ သန်း (အင်ဒိုနီးရှား ရူပီးယား) ပေးပြီး ကလေးတွေကို ဝယ်ယူခဲ့တာပါ

ကလေးတွေရဲ့အခြေအနေ

ကလေး ၁၀ ယောက်ကိုတော့ ၂၀၂၃ နဲ့ ၂၀၂၅ ကြားမှာ စင်ကာပူကို ခိုးထုတ်နိုင်ခဲ့တယ်။ ကျန်တဲ့ ကလေးတွေကိုတော့ အင်ဒိုနီးရှားထဲမှာပဲ ပြန်ရောင်းစားတယ်၊ ဝယ်မယ့်သူ မရှိရင် မိဘမဲ့ဂေဟာတွေကို ပို့ပစ်ခဲ့တယ်လို့ သိရပါတယ်

တရားခံတွေရဲ့ခုခံချေပပုံ

လီလီရဲ့ ရှေ့နေကတော့ "သူ့အမှုသည်ဟာ စေတနာနဲ့ ကလေးမရှိတဲ့ မိဘတွေကို ကူညီပေးတာပါ၊ လူကုန်ကူးတဲ့ ခေါင်းဆောင်မဟုတ်ပါဘူး" လို့ ငြင်းဆိုထားပါတယ်။ ဒါပေမဲ့ ရဲတပ်ဖွဲ့ကတော့ သူ့ကို ဒီဂိုဏ်းရဲ့ အဓိက လက်သည်လို့ ယူဆထားပါတယ်

ဘာကြောင့်ဒီလိုတွေဖြစ်နေရတာလဲ

အင်ဒိုနီးရှားက ဆင်းရဲတဲ့ မိခင်တွေဟာ ကလေးမွေးစရိတ်နဲ့ ပြုစုပျိုးထောင်စရိတ်ကို မတတ်နိုင်ကြတာက အဓိက အကြောင်းရင်းတစ်ခုပါ

ဒါ့အပြင် တရားမဝင် ကိုယ်ဝန်ဆောင်မိခင်တွေအပေါ် လူမှုပတ်ဝန်းကျင်က ကဲ့ရဲ့ရှုတ်ချမှုတွေကြောင့်လည်း ဒီလို ဂိုဏ်းတွေဆီ ကလေးကို ပေးအပ်လိုက်ကြတာ ဖြစ်တယ်လို့ ပညာရှင်တွေက သုံးသပ်ထားပါတယ်

အခုလောလောဆယ်မှာတော့ စင်ကာပူအစိုးရဘက်ကလည်း ဒီကိစ္စကို အင်ဒိုနီးရှားနဲ့ ပူးပေါင်းပြီး စုံစမ်းစစ်ဆေးနေသလို၊ သူတို့နိုင်ငံရဲ့ ကလေးမွေးစားခြင်းဆိုင်ရာ ဥပဒေတွေကိုလည်း ပြန်လည်စိစစ်မယ်လို့ ပြောကြားထားပါတယ်

လာမယ့် ဧပြီ ၁၄ ရက်နေ့မှာတော့ သက်သေတွေကို စတင်စစ်ဆေးတော့မှာ ဖြစ်ပါတယ် #Indonesia /กรุงเทพมหานคร