အလားအလာများစွာရှိတဲ့ တရုတ်မင်းသား Jin Ze အသက် (၃၃) နှစ်အရွယ်မှာ ကွယ်လွန်

အလားအလာများစွာရှိတဲ့ တရုတ်မင်းသား Jin Ze အသက် (၃၃) နှစ်အရွယ်မှာ ကွယ်လွန်

တရုတ်သရုပ်ဆောင်မင်းသားနဲ့ မော်ဒယ် Jin Ze ဟာ အသက် (၃၃) နှစ်အရွယ်မှာပဲ ဝမ်းနည်းဖွယ်ရာ ကွယ်လွန်သွားခဲ့ပါတယ်

ဇွန်လ (၅) ရက်နေ့မှာ Jin Ze ရဲ့ စီမံခန့်ခွဲမှု ကုမ္ပဏီကနေ တရားဝင် ထုတ်ပြန်ချက်တစ်ခု ထုတ်ပြန်ခဲ့ပြီး သူဟာ ဇွန်လ (၄) ရက်နေ့မှာ Hangzhou မြို့ရှိ သူနေထိုင်တဲ့ အိမ်မှာ ကွယ်လွန်သွားခဲ့တာ ဖြစ်ပါတယ်။ Jin Ze ရဲ့ အေဂျင်စီကတော့ သူတို့ရဲ့ နက်ရှိုင်းတဲ့ ဝမ်းနည်းမှုကို ဖော်ပြခဲ့ပြီး ဒီလို ခက်ခဲတဲ့အချိန်မှာ သူတို့မိသားစုရဲ့ ပုဂ္ဂိုလ်ရေးဆိုင်ရာ လွတ်လပ်ခွင့်ကို လေးစားပေးဖို့ လူထုနဲ့ မီဒီယာတွေကို တောင်းဆိုထားပါတယ်

၁၉၉၃ ခုနှစ်က Shandong ပြည်နယ်၊ Weihai မှာ မွေးဖွားခဲ့တဲ့ Jin Ze ဟာ ဖက်ရှင်မော်ဒယ်တစ်ယောက်အနေနဲ့ ဖျော်ဖြေရေး လောကထဲကို စတင်ဝင်ရောက်ခဲ့တာပါ။ Beijing Institute of Fashion Technology မှာ ဘွဲ့ရရှိခဲ့ပြီးနောက်မှာ သူဟာ မော်ဒယ်လုပ်ငန်းမှာ အသက်မွေးဝမ်းကျောင်း ပြုခဲ့ပြီးမှ နောက်ပိုင်းမှာတော့ သရုပ်ဆောင်လောကထဲကို ကူးပြောင်းလာခဲ့တာ ဖြစ်ပါတယ်

သူဟာ ၂၀၁၆ ခုနှစ်က I Can See Your Voice မှာ ပါဝင်ခဲ့ပြီးနောက်မှာ လူအများရဲ့ အာရုံစိုက်မှုကို ပိုမို ရရှိလာခဲ့ပြီး ရုပ်ရှင်နဲ့ ရုပ်သံစီမံကိန်းပေါင်းများစွာမှာ ပါဝင်သရုပ်ဆောင်ရင်း သရုပ်ဆောင်တစ်ယောက်အဖြစ် အောင်မြင်မှုတွေကို တည်ဆောက်နိုင်ခဲ့ပါတယ်။ Jin Ze ဟာ Hello, Joann၊ Forget You, Remember Love၊ Legally Romance၊ Fake Princess နဲ့ Give You My Heart စတဲ့ ဇာတ်လမ်းတွဲတွေမှာ ပါဝင်သရုပ်ဆောင်ခဲ့သူပါ

Jin Ze အခုလို ရုတ်တရက် ကွယ်လွန်သွားခဲ့တာက ပရိသတ်တွေနဲ့ လုပ်ဖော်ကိုင်ဖက်တွေကို အကြီးအကျယ် တုန်လှုပ်ခြော--က်ခြားစေခဲ့ပြီး ဆိုရှယ်မီဒီယာတွေပေါ်မှာလည်း သူ့အတွက် ဝမ်းနည်းကြောင်း မှတ်ချက်တွေ ရေးသားနေကြပါတယ်။ Jin Ze ဟာ စိတ်ထားနွေးထွေးမှုနဲ့ ကြင်နာတတ်မှုတွေကြောင့်လည်း လုပ်ဖော်ကိုင်ဖက်တွေရဲ့ ချီးကျူးမှုကို ခံခဲ့ရသူ ဖြစ်ပါတယ်

Ref: Asia One

#thailand

#jinze

#china

#rip

#zyrp /กรุงเทพมหานคร