Yoon Eun Hye ဘာလို့ ဇာတ်ကားတွေ၊ ဇာတ်လမ်းတွဲတွေ မရိုက်တော့တာလဲ ?
Yoon Eun Hye ဘာလို့ ဇာတ်ကားတွေ၊ ဇာတ်လမ်းတွဲတွေ မရိုက်တော့တာလဲ ?
၂၀၀၀ ပြည့်နှစ်ကျော်ကာလတွေမှာ Yoon Eun Hye က ကိုရီးယားအနုပညာလောကမှာ အတောက်ပဆုံး ကြယ်တွေထဲက တစ်ပွင့်ပါ
Yoon Eun Hye ဟာ ၁၉၉၉ ခုနှစ်မှာ K-Pop ပထမဆုံး အဖွဲ့တစ်ဖွဲ့ဖြစ်တဲ့ Baby V.O.X အဖွဲ့နဲ့အတူ ပွဲထွက်ခဲ့တာပါ။ ၂၀၀၆ ခုနှစ်မှာတော့ သရုပ်ဆောင်လောကကို ဝင်ရောက်ခဲ့တာပါ
၂၀၀၆ မှာ ထုတ်လွှင့်ခဲ့တဲ့ Princess Hours၊ ၂၀၀၇ မှာ ထုတ်လွှင့်ခဲ့တဲ့ Coffee Prince ဇာတ်လမ်းတွဲတွေနဲ့အတူ Yoon Eun Hye ဟာ ကိုရီးယားတွေရဲ့နှလုံးသားကိုသာမက အာရှက လူတွေရဲ့ နှလုံးသားကိုပါ သိမ်းပိုက်နိုင်ခဲ့ပါတယ်
Yoon Eun Hye ဟာ K အနုပညာလောကမှာ အချိန်တိုအတွင်း အောင်မြင်ခဲ့ပြီး (၄၄) ကြိမ်မြောက် Baeksang Arts Awards ဆုပေးပွဲမှာ “Best Actress” ဆု ရရှိခဲ့ပါတယ်။ အနုပညာလောကမှာ ကြေးအကြီးဆုံးအမျိုးသမီးတွေထဲက တစ်ယောက်ဖြစ်လာခဲ့ပြီး အကောင်းဆုံးမင်းသမီးဆုကိုရရှိခဲ့တာပါ။ ကံမကောင်းစွာနဲ့ပဲ
၂၀၀၇ ခုနှစ်မှာ Yoon Eun Hye ရဲ့ အေဂျင်စီဖြစ်တဲ့ Eight Peaks က သူ့ရဲ့ ပရော်ဖက်ရှင်နယ်မဆန်မှုတွေကို ကောလာဟလ လွှင့်ခဲ့ပြီး ပုံရိပ် ထိခိုက်ခဲ့ရပါတယ်။ အဲဒီဖြစ်ရပ်တွေကြောင့် Yoon Eun Hye ဟာ Eight Peaks နဲ့ စာချုပ်ဖျက်သိမ်းခဲ့ပြီး ရလဒ်အနေနဲ့ Que Sera Sera ဇာတ်လမ်းတွဲကနေ နုတ်ထွက်ခဲ့ရပါတယ်
အဲဒီနောက် အေဂျင်စီ ပြောင်းရွှေ့ခဲ့ပြီး ပိုပြီးကျော်ကြားတဲ့ ဇာတ်လမ်းတွဲဖြစ်တဲ့ ၂၀၁၂ ခုနှစ်မှာ Missing You နဲ့ ၂၀၁၃ ခုနှစ် မှာ Marry Him If You Dare ဇာတ်လမ်းတွဲဖြစ်ပါတယ်
တရုတ်ဖက်ရှင်ပြိုင်ပွဲတစ်ခုဖြစ်တဲ့ Goddess Fashion ပြိုင်ပွဲမှာ ပထမဆု ရရာက စပြီး ပွဲအပြီးမှာ ကိုရီးယားနာမည်ကျော်ဖက်ရှင်ဒီဇိုင်နာ Yoon Choon Ho က Yoon Eun Hye ဟာ သူ့ရဲ့ဒီဇိုင်းတွေကို ခိုးချတယ်လို့ စွပ်စွဲခဲ့ပါတယ်။ ဒါ့ပြင် အဲဒီပွဲမှာ Dolce & Gabbana‘s 2015 Fall/Winter collection အဝတ်အစားတွေကို ဆုတ်ဖြဲခဲ့တယ်လို့ စွပ်စွဲခံခဲ့ရပါတယ်
Yoon Eun Hye ဟာ အစပိုင်းမှာ အဲဒီစွပ်စွဲချက်တွေကို ငြင်းဆန်ခဲ့ပေမဲ့ နောက်ဆုံးမှာတော့ မငြင်းနိုင်တော့ဘဲ လူသိရှင်ကြား တောင်းပန်ခဲ့ရပါတယ်
ဒါပေမဲ့ ကိုရီးယားတွေရဲ့ Boycott လုပ်မှုကြောင့် ကမ်းလှမ်းမှုတောင်မရှိဘဲ အနုပညာလောကကနေ သူ့ဆန္ဒမပါဘဲ နားခဲ့ရပါတယ်
၂၀၁၇ ခုနှစ်မှာတော့ Yoon Eun Hye ဟာ ရသစုံလင်ရှိုးတွေမှာ ပြန်လည်ပါဝင်ပြီး ကိုရီးယားအနုပညာလောကကို ပြန်လည်ဝင်ရောက်လာခဲ့ပြီး ၂၀၁၈ မှာတော့ Love Alert ဇာတ်လမ်းတွဲကို ရိုက်ကူးခဲ့ပါတယ်။ ဒါပ ေမဲ့ အရင်လိုအောင်မြင်မှု မရတော့ပါဘူး။ ၂၀၁၉ မှာလည်း Yoon Eun Hye အပိုင်း (၂) ပိုင်းသာ ပါဝင်တဲ့ Go Go Song ဇာတ်လမ်းတွဲကို ရိုက်ကူးခဲ့သလို Law of the Jungle in Zero Point၊ Hangout with Yoo တို့အပြင် ရသစုံလင်ရှိုးတွေမှာလည်း ပါဝင်ခဲ့သေးတာပါ
။ ၂၀၂၂ မှာတော့ Yoon Eun Hye ဟာ WSG Wannabe အဖွဲ့နဲ့ K-Pop မှာ တစ်ကျော့ပြန်ပွဲထွက်ခဲ့ပါသေးတယ်။ အခုတော့ Yoon Eun Hye ဟာ လူမှုကွန်ရက်တွေမှာ ပုံမှန်ပုံတွေ တင်လေ့ရှိသလို You Channel တစ်ခု ဖွင့်ထားပြီး You Channel Talk Show တွေမှာ ဖိတ်ကြားမှုရှိတိုင်း ပါဝင်လေ့ရှိပါတယ်
၂၀၂၅ နှစ်ကုန်ပိုင်းမှာတော့ Yoon Eun Hye ဟာ အနုပညာလှုပ်ရှားမှုတွေ ခပ်စိတ်စိတ် လုပ်လာခဲ့ပြီး Baby V.O.X အဖွဲ့နဲ့အတူ နှစ်ပေါင်းများစွာ ဖျော်ဖြေမှုတွေ ပြန်လည်ကြိုးစားနေသလို You Tube Channel ဖွင့်ထားပြီး ပရိသတ်နဲ့ထိတွေ့မှု တွေ လုပ်နေပါတယ်။
SO: Newsen and Korea Herald
