မြန်မာဘက်ကို မှောင်ခိုပို့မယ့် ဓာတ်ဆီ လီတာ ၁,၂၀၀ စံခလပူရီမှာ ဖမ်းမိ၊ ဒဏ်ငွေ ဘတ် ၂ သိန်းကျော် ကျသင့်မည်

မြန်မာဘက်ကို မှောင်ခိုပို့မယ့် ဓာတ်ဆီ လီတာ ၁,၂၀၀ စံခလပူရီမှာ ဖမ်းမိ၊ ဒဏ်ငွေ ဘတ် ၂ သိန်းကျော် ကျသင့်မည်

စံခလပူရီ- ဧပြီ (၅)

ကန်ချနပူရီခရိုင်၊ စံခလပူရီမှာ မြန်မာနိုင်ငံဘက်ကို ဓာတ်ဆီတွေ တရားမဝင် မှောင်ခိုပို့နေတာကို အာဏာပိုင်တွေ ပူးပေါင်းပြီး အပြတ်အသတ် နှိမ်နင်းလိုက်ပါတယ်

ယနေ့ဧပြီလ ၅ ရက်နေ့မှာ စံခလပူရီ ခရိုင်အုပ်ချုပ်ရေးမှူး၊ ရဲတပ်ဖွဲ့နဲ့ လုံခြုံရေးအဖွဲ့ဝင်တွေဟာ သတင်းပေးချက်အရ စံခလပူရီကနေ ဘုရားသုံးဆူဘက်ကို သွားတဲ့လမ်းပေါ်က "ဘန်နမ်ကစ်" လုံခြုံရေးဂိတ်မှာ စောင့်ဆိုင်းစစ်ဆေးခဲ့ကြပါတယ်

အဲဒီအချိန်မှာ မသင်္ကာစရာ အဖြူရောင် တိုယိုတာ 4WD ကားတစ်စီး ရောက်လာလို့ တားဆီးစစ်ဆေးခဲ့တာပါ

ကားကို စစ်ဆေးတဲ့အခါမှာ အပေါ်ယံကြည့်ရင်တော့ ရေခဲတုံးတွေနဲ့ အအေးပုလင်းတွေ အပြည့်တင်ထားတာကို တွေ့ရပါတယ်

ဒါပေမဲ့ ရေခဲတုံးတွေအောက်ကို ထပ်မံစစ်ဆေးလိုက်တဲ့အခါမှာတော့ အနက်ရောင်ပလတ်စတစ်တွေနဲ့ သေချာထုပ်ပိုးထားတဲ့ ၃၀ လီတာဝင် ဓာတ်ဆီပုံး ၄၂ ပုံးကို တွေ့ရှိခဲ့ပါတယ်။ စုစုပေါင်း ဓာတ်ဆီ ၉၅ (Benzene 95) လီတာ ၁,၂၀၀ တောင် ဖြစ်ပါတယ်

ဖမ်းဆီးခံရသူ ကားမောင်းသမား (ဒေသခံတစ်ဦး) က ဝန်ခံထွက်ဆိုရာမှာတော့ ဒီဓာတ်ဆီတွေကို စံခလပူရီနယ်ဘက်မှာ တစ်လီတာကို ၅၅ ဘတ်နဲ့ ဝယ်ယူခဲ့တာလို့ ဆိုပါတယ်

အဲဒီနောက် မြန်မာနိုင်ငံဘက်က ဘုရားသုံးဆူမြို့မှာ တစ်လီတာကို ၇၅ ဘတ်နဲ့ ပြန်ရောင်းဖို့ လုပ်တာပါ။ အမြတ်ကောင်းတာကြောင့် အခုလို မှောင်ခိုလုပ်တာဖြစ်ကြောင်း ဝန်ခံထားပါတယ်

လက်ရှိမှာတော့ သူ့ကို အကောက်ခွန်ဥပဒေချိုးဖောက်မှု၊ ခွင့်ပြုချက်မရှိဘဲ လောင်စာဆီ သယ်ယူပို့ဆောင်မှု၊ သတ်မှတ်ပမာဏထက် ပိုမိုသိုလှောင်မှု စတဲ့ အမှုတွေနဲ့ အရေးယူထားပါတယ်

အကောက်ခွန်ဥပဒေအရ ကုန်ပစ္စည်းတန်ဖိုးရဲ့ ၄ ဆ ဒဏ်ရိုက်မှာဖြစ်လို့ အနည်းဆုံး ဘတ် ၂၃၀,၀၀၀ (နှစ်သိန်းသုံးသောင်း) ကျော် ဒဏ်ငွေ ကျသင့်မှာ ဖြစ်ပါတယ်

Crd-Radio Thailand (စံခလပူရီ)#bangkok

#thailand

#illegal

#fypシ

#zyrp #Kawao #စံခလပူရီ #ဓာတ်ဆီမှောင်ခို #မြန်မာထိုင်းနယ်စပ် #ဘုရားသုံးဆူ #ကန်ချနပူရီ #ထိုင်းသတင်း #မှောင်ခိုဖမ်းဆီးမှု #စီးပွားရေးမှုခင်း #သတင်းစုံ/กรุงเทพมหานคร