ထိုင်းနိုင်ငံရဲ့ "ဒူးရင်းဘုရင်မ" လို့တင်စားရမယ့် ဒူးရင်းသီးဈေးကွက်အကြောင်း လွှတ်တော်ထဲအထိ ဆွေးနွေးလာ

🍈 လွှတ်တော်ထဲအထိ ရောက်သွားတဲ့ "၁၀၀ ဘတ်တန် ဒူးရင်းသီး" ဂယက်

ထိုင်းနိုင်ငံရဲ့ နာမည်ကြီး Influencer Pimrypie ရဲ့ ဒူးရင်းသီးတစ်လုံး ၁၀၀ဘတ်ဆိုတဲ့ Live လွှင့်ရောင်းချမှုက အခုတော့ ထိုင်းလွှတ်တော်ထဲမှာ အငြင်းပွားစရာ ခေါင်းစဉ်တစ်ခု ဖြစ်လာပါတယ်။

ဘာတွေဖြစ်နေတာလဲ?

Rayong နယ်မြေက လွှတ်တော်အမတ် Krit Silapachai က လွှတ်တော်ထဲကို ဒူးရင်းသီးတွေ ကိုယ်တိုင်ယူဆောင်လာပြီး ချိန်တွယ်ပြသခဲ့ပါတယ်

သူပြသချင်တဲ့ အချက်ကတော့

၁၀၀ ဘတ်နဲ့ ရောင်းဖို့ဆိုတာ လက်တွေ့မှာ မဖြစ်နိုင်ဘူး၊စိုက်ပျိုးစရိတ်၊ မြေသြဇာနဲ့ သယ်ယူပို့ဆောင်ရေးစရိတ်တွေ တက်နေချိန်မှာ ဒီဈေးနဲ့ရောင်းတာဟာ တောင်သူတွေကို နစ်နာစေနိုင်တယ်လို့ ထောက်ပြပါတယ်

ဈေးကွက်ပျက်မှာ စိုးရိမ်ရခြင်း - အခုလို ပရိုမိုးရှင်းဈေးတွေကြောင့် ထိုင်းဒူးရင်းရဲ့ တန်ဖိုးကျဆင်းသွားပြီး နိုင်ငံတကာဈေးကွက်မှာ ယုံကြည်မှု လျော့နည်းသွားမှာကို စိုးရိမ်နေကြပါတယ်

တရုတ်လုပ်ငန်းရှင်တွေရဲ့ လွှမ်းမိုးမှု

လွှတ်တော်အမတ်တွေက နောက်ထပ်သတိပေးတာကတော့ "Zero-dollar Durian" လို့ ခေါ်တဲ့ ပြဿနာပါ။ ဒူးရင်းသီး ရောင်းဝယ်ရေး ကွင်းဆက်တစ်ခုလုံးကို တရုတ်လုပ်ငန်းရှင်တွေက ကြိုပွိုင့်ဝယ်ယူတာ၊ ပွဲရုံတွေပိုင်ဆိုင်တာတွေနဲ့ ထိန်းချုပ်ထားလို့ အကျိုးအမြတ်တွေက ထိုင်းနိုင်ငံသားတွေဆီ တကယ်မရောက်ဘဲ ပြည်ပကို စီးထွက်နေတယ်လို့ ဆိုပါတယ်

တာဝန်ရှိသူတွေရဲ့ တုံ့ပြန်ချက်

စီးပွားရေးဝန်ကြီးဌာန ကတော့ အဲဒီ ၁၀၀ ဘတ်တန် ဒူးရင်းတွေဟာ ပြည်ပပို့ကုန်အဆင့်မီတဲ့ ထိပ်တန်းအရည်အသွေး (Grade A) တွေမဟုတ်ဘဲ ပြည်တွင်းသုံး အဆင့်နိမ့် ဒူးရင်းတွေသာဖြစ်လို့ ဈေးကွက်ပေါက်ဈေးကို ထိခိုက်မှာမဟုတ်ဘူးလို့ ဖြေရှင်းထားပါတယ်

Pimrypie ကတော့ ဒီပရိုမိုးရှင်းကြောင့် သူကိုယ်တိုင် ဘတ် ၁၀ သန်းကျော်အရှုံးခံပြီး တောင်သူတွေ လက်ထဲက ပိုလျှံနေတဲ့ အသီးတွေကို ဝယ်ယူကူညီပေးတာလို့ ဆိုပါတယ်

အနှစ်ချုပ်အကြံပြုချက်

လွှတ်တော်အမတ် Krit ကတော့ အစိုးရအနေနဲ့ -

ဒူးရင်းသီးနုတွေ မခူးဆွတ်ဖို့ တင်းတင်းကျပ်ကျပ် စစ်ဆေးရန်

နိုင်ငံခြားသားလုပ်ငန်းရှင်တွေက အမည်ခံ (Nominee) တွေနဲ့ ဈေးကွက်လွှမ်းမိုးထားမှုကို အရေးယူရန်

တရုတ်ဈေးကွက်တစ်ခုတည်းကိုပဲ အားမကိုးဘဲ တခြားနိုင်ငံသစ်တွေကိုပါ တိုးချဲ့တင်ပို့ရန် တောင်းဆိုထားပါတယ်

Ref: Thai Enquirer