👉ብዙ ጊዜ በምሳሌ ማስተማር እና ማስረዳት የሚወደው የአለማችን የማይደገመው መምህር፣ ኢየሱስ ክስቶስ በማቴዎስ 7፡13÷14

እንዲህ አስተማረ፣ ወደ ጥፋት ከሚወስደው “ሰፊ ደጅ” በተቃራኒ “ጠባብ በር” አስቸጋሪ የሆነውን የሕይወት ጎዳና ፍንትው አድርጎ አሳያቸው።

📌 ጠባቡ በር የእውነተኛ ቅድስና ሕይወትን፣ ለመታዘዝ መጣርን፣ እና በክርስቶስ ላይ ማመንን ሲያመልክት፣ ይህም ሆን ተብሎ እና ፈታኝ የሆነ፣ ውጤቱም የወሰኑ ፣የቆረጡ ና ምርጫቸውን ከምርጫው ጋር ያደረጉ “ጥቂቶች ብቻ የሚያገኙት” እንደሆነ ማሳያ ነው።

📖ማቴዎስ 7

¯¯¯¯¯¯¯¯¯¯

¹³ በጠበበው ደጅ ግቡ፤ ወደ ጥፋት የሚወስደው ደጅ ሰፊ፥ መንገዱም ትልቅ ነውና፥ ወደ እርሱም የሚገቡ ብዙዎች ናቸው፤

¹⁴ ወደ ሕይወት የሚወስደው ደጅ የጠበበ፥ መንገዱም የቀጠነ ነውና፥ የሚያገኙትም ጥቂቶች ናቸው።

።።።።።።።።።።።።

📌የግርጌ ማስታወሻ፣

።።።።።።።።።።።።።

  በህይወት ውስጥ ጥንቃቄ የተሞላበት ምርጫ ማድረግ አስፈላጊ መሆኑን አስተማረ።

📌"ጠባቡ በር"  ጥረትን፣ ራስን መግዛትን እና ለመንፈሳዊ እሴቶች ቁርጠኝነትን የሚጠይቅ፣ ወደ ዘላለማዊ ህይወት የሚመራውን መንገድ ያመለክታል።

  📌በአንጻሩ ደግሞ "ሰፊው በር" የቀላል እና የዓለማዊ ምኞቶችን መንገድ ያመለክታል፣ ነገር ግን በመጨረሻ ወደ ጥፋት እንደሚያመራ አልሸሸገንም።

📌ይህ ትምህርት ቅድሚያ በምንሰጣቸው ነገሮች እና በየቀኑ በምናደርጋቸው ምርጫዎች ላይ ማሰላሰልን አስተዋይነትን ያበረታታል።

📌ሆን ብለን ለመኖር እና ከእምነታችን ወይም መልካም እሴቶቻችን ጋር ጥልቅ መረዳት እንዲኖረን እድል ይሰጣል።

።።።።።።።።።።።።።።።።።።።

👉እነሆ እኔ ደግሞ፣ እንዲህ ልበል

🎯 ጠባቡ፣በር

።።።።።።።።።።።።።።።

አይንህን፣ ጨፍነህ

       ወደ ውስጥ ስታስብ፣ 

ሰፊ መንገድ መሃል፣

             ጠባቧን ካስተዋልክ

አንተ፣ አትራፊ ነህ፣

               በሕይወት ተርፈሃል

በመርከቡ፣እንዳለህ ፣

              መልህቅ ይዞሃል።

ይሔ ካልተሰማህ፣

                  ጎዳናው ከሰፋህ

ተመለስ በጊዜ፣

              ጀንበር ሳይጠልቅብህ

ጠባቧን ምረጣት፣

             ሰፋፊው ግን ይቅርብህ።

።።።።።።።።።።።።።።።።።።።።።።።

      © ዳንኤል ወልደፃዲቅ

።።።።።።።።።።።።።።።።።።።።።።።።